TALDEKIDEEN HAUSNARKETA

Nire taldekideak, Leire de Prado, Maria de Jesus eta Mireia Cobo izan dira eta guri egokitutako gaia TEKNOGRAFIA izan da, lehen azaldu dudan moduan. Esan behar da, taldeak oso ondo funtzionatu dueala, elkarlana asko sustatu dugula eta ez dugula inoiz inolako arazorik izan lan egiterako orduan.

Guk sortutako Sitesa MAGALEMILAU izan da eta lehen esan dudan bezala, hasieran asko kostatu zitzaigun. Baina bakoitzaren ezagutzaz eta jakintzaz baliatuz, aurrera egitea lortu dugu eta lortutako emaitza egokia dela uste dut. Ez daukat ezer txarrik esateko nire taldeari buruz, dena oso ona izan da eta bakoitzak bere baliabideak erabili ditu bidioa sortzeko orduan, beraz, gure artean asko ikasi dugu.

Aurkezpenak egitean oso ondo moldatu gara eta denak egon gara hitz egiteko prest. Beraz, hasieran egin behar izan genuen lan hori (testuak irakurri eta azaldu) modu egokian egin genuela uste dut.

Esan behar dut,  teoriako aurkezpena egiteko lehenak izan ginela eta horregatik, denbora oso gutxi izan genuela lana prestatzeko eta urduritasuna asko nabaritu zen.

 Orain, banan-banan aipatuko ditut:

Mireia Cobo: Oso langilea da. Taldeak aurre egitea eragin du, beti egon da tiraka eta arazoei konponbide asko eman dizkio. Teknografiak Youtubera igotzea lortu du et gauza asko erakutsi dizkit. Berak egindako lana oso handia izan da, ez da inoiz kejatu eta beti egon da bere ikuspuntua emateko prest, bai eta besteen ikuspuntuak entzuteko eta onartzeko ere. Aurkezpenak egitean prest egon da hitz egiteko.

Maria de Jesus: Oso langilea da. Taldeari beste kolore bat ematen dio beti irribarretsu eta langile etortzen delako. Arazoei aurre egiteko bere ezagutzak elkarbanatu ditu gurekin eta ordenagiluan oso ondo moldatu da eta gauzak oso ondo azaldu eta ulertu ditu. Berak egindako lana oso handia izan da, ez da inoiz kejatu eta beti egon da bere ikuspuntua emateko eta besteenak entzuteko prest. Aurkezpenak egiterako momentuan beti egon da hitz egiteko  prest.

Leire de Prado: Oso langilea da. Taldean  oso ondo moldatu da eta idea asko eman ditu. Programa batzuk erabiltzen erakutsi dit, beraz, laguntzaile handia izan da niretzat. Arazoei aurre egiteko bere ezagutzaz baliatu naiz. Berak egindako lana oso handia izan da, ez da inoiz kejatu eta beti egin da besteen  ikuspuntua  entzuteko prest. Aurkezpenetan ere oso ondo ibili da.

NIRE HAUSNARKETA

IKT ikasgaian aurretik ezagutzen ez nituen hainbat programa ikasi ditut, eta beraz, alde horretatik oso baliagarria iruditu zait irakaskuntza munduan sistema berriak erabiltzeko aukera eman digulako gure etorkizunera begira.

Bestetik, esan beharra dago oso galduta hasi nintzela klaseko lehenengo egunean ez nuelako ulertzen zer egingo genuen lauhileko honetan zehar. Gainera, Bloga egiten hasi ginen lehenengo egunean nahiko txarto pasatu nuen eta oso estresatuta sentitu nintzen burura etorri zitzaidan lehenengo gauza gai izango ez nintzela izan zelako.

Ondoren, Sitesak arazoak korapilatu zizkidan eta nire estresa handituz joan zen. Dena ilun ikusten nuen eta amore ematea izen zen nire lehenengo ikuspuntua. Baina gelakideei laguntza eskatu ondoren egoera honi buelta ematea lortu nuen eta zerbait argi ikusten hasi nintzen. Bloga trasteatu nuen eta orrialdeak sortzea eta etiketak jartzea lortu nuen, beraz, nire arazo handiena konponduta zegoen eta bertan eguneroko hausnarketak idatzi ditut. Sitesa bihurtu zen momentu horretan nire etsai nagusia. Beraz, taldekideak Sitesa trasteatzen hasi ginen eta laguntza eskatu behar izan genuen, oso galduta sentitzen baiginen. Hala ere, aurre egitea eta kontrolatzea lortu genuen elkarren artea, beraz, aurrerapauso handia egin dudala ibilbidean zehar uste dut.

Bestetik, teknografia bat sortu dudala esan beharra daukat eta ikasgai honetan nire puntu nagusia izan da. Hasiera baten, teknografia hitza entzutean, ez nuen oso ondo ulertzen, hitz berria baitzen niretzat. Baina adibideak ikusi nituenean, argi eta garbi ikusi nuen nire bizitzako biografia egin behar nuela IKTak erabiliz. Oso lan interesgarria iruditu zait eta mila oroitzapen etorri zaizkit burura. Horretarako, Movie Maker programa erabili dut eta egia esan, ez dut problemarik izan nahiko ondo kontrolatzen dudalako. Nire bizitza ahoz kontatzea erabaki dut eta horretarako, grabaziaok sartu ditut eta musika gehitu diot honi. Nire ustez, nahiko lan polita eta sentikorra egin dut eta ikasle bakoitzak horrelako bat egitea gomendatzen dut.

Orokorrean, lan handia egin dudala uste dut, batez ere, arazoei konponbidea emateko buruari eragin behar izan diodalako eta lortu dudalako hasieran nituen helburuak gainditzea. Esan beharra dago, lan asko izan ditugula beste irakasgaietan eta ezin izan diodala nahi besteko atentzioa eman ez dudalako denborarik izan gehiago kuxkuxeatzeko gai honetan. Gauza basikoak ikasi ditut eta hasiera baterako, nik uste dut, oso pausu ona izan dela eta ibilbideari aurrera ematea nire esku dagoela irakasle izango naizen momentuan. Nire buruari jartzen diodan nota, 8.

TEKNOGRAFIA

    Aurreko sarreretan aipatu dudan moduan, teknografia bat sortu behar izan dut nire irakasle identitatea kontatuz. Teknografia egiten ibili naiz aste hauetan zehar eta bukatzea lortu dut. Lan oso polita eta interesgarria izan da eta guztioi gomendatzen dizuet honelako bat egitea. Besterik gabe, hauxe izan da lortutako emaitza!

------------------> NIRE TEKNOGRAFIA

   Lan  hau egin ondoren, hausnarketa hau egin  dut.

Lan honetan, nire irakasle identitatea azaltzen saiatu naiz eta horretarako, nire bizitzaren ibilbidea kontatu dut haurtzarotik hasita gaur egunera arte. Istorio hau kontatzeko Movie Maker programa erabili dut. Bertan, argazkiak txertatu  ditut eta narrazioa ahos izan da, ipuin bat izango balitz bezala kontatuz.

Jaio nintzenetik gaur egunera arte bizi izan ditudan esperientzia guztiek naizen bezala izatea ahalbideratu dute. Txikitan, familiaren maitasuna jaso nuen: batetik, ama eta aita eta neba; bestetik, izeko, osaba, lehengusuak eta amamak eta  aititeak. Nire familia  oso txikia da eta horrek guztion harremana estua izatea eragiten du.

Irailean eskola hasi nuen eta gustuko nuen bertara joatea. Lagun asko egin nituen bertan eta nire  eredua den irakaslea bertan ezagutu nuen. Oso ikasle arduratsua eta jakintsua nintzen eta horregatik, nota onak ateratzen nituen beti. Azntzerkiak, mozorroak, jolasak, emanaldiak… asko gustatzen zitzaizkidan eta nire ikasgelako kideei ere, azken finean denak umeak ginelako. D ereduan ikasten nuen. Eskola oso txikia zen eta gela bakoitzean 10 bat ikasle geunden, horrek, giroa familiarragoa izatea eragiten zuen. Irakasleak  liburuak baino berak prestatutako ariketak erabiltzen zituen  guri irakasteko orduan eta tailerrei garrantzi handia ematen  zitzaien. Horregatik, euskal kanpainia bat geneukan eta astero gai ezberdinak lantzeko antzerkiak, emanaldiak...egiten genituen. Irakasleak berrikuntza bilatzeko bidean ari ziren baina metodo tradizionalak ziren nagusi. IKTak musika entzuteko eta bideoak ikusteko bakarrik erabiltzen zituzten irakasleek, guk, ordea, ingeles ikasgaian bakarrik erabiltzen genituen ariketak eta jokoak ordenagailuz egiteko. Bestetik, gela txokoetan banatzen zen eta txoko bakoitzean zehar, ikasgai bat lantzen genuen. Eskola publikoa zen eta nahiko askea (monjetan gertatzen ez den bezala).

Gero, institutu garaia etorri zitzaidan eta garai gogorrenak bertan pasatu nituen. Lagun  berriak egitea beharra zegoen,  maitasun kontuak bertan hasi ziren eta ebakuntza bat jaso  behar izan nuen. Horregatik, 2 hilabetez etxean egon nintzen eta irakasle bat etortzen zitzaidan klaseak eman eta azterketak egitera. Hala ere, gaur egun nire kuadrila osatzen duten lagunak bertan ezagutu nituen eta eskolan  4 izatetik, 14 izatera igaro ginen, Lezamako eta Zamudioko jendea elkartu ginelako. Haiei esker iluna zen denbora hau koloretakoa bihurtu zitzaidan eta barre asko  botatzen ditugu elkarrekin.

Batxilergora heltzean, letratako ikasgaiak hautatu nituen, fisika, kimika eta matematika asko  gorrotatzen nituelako. Gainera,  nota onak ateratzen nituenez, empresa batek eskola batean egun  batez lan egiteko  aukera eman zidan eta Askartzara joan nintzen. Bertan, psikologaren papera bete behar  izan nuen ume bereziekin eta bertan jaso nuen maitasuna oso polita izan zen. Horren ondorioz, erabaki nuen magisteritza edo psikologia ikastea.

Horrela izanik, selektibitatea egin nuen eta 11.6 izan zen nire nota.Horrela, magisteritza karrerara sartu nintzen eta hainbat lagun egin nituen. Lehenengo mailan, teoria izan zen guztia eta azkerteta asko egin behar izan nituen. Hala ere, ikasitako guztia oso interesgarria izan zen. Bestetik, praktikak egin ditut aurten eta oso pozik egon naiz ikasleekin. 1.mailako ikasleak izan ditut eta beraien  maitasun guztia eskaini didate. Konturatu naiz oso autonomoak eta langileak zirela eta ez zutela inolako arazorik ematen. Gainera,  tutora nire txikitako irakaslea izan zen eta horrek, ilusio handia egin zidan, beste ikuspuntu batetik ikusteko aukera izan dudalako. Oso esperientzia polita izan da eta konturatu naiz lanbide hau egin nahi dudala etorkizunean.

Gaur egun, identitatea eraikitzeko beste esperientzia bat bizitzen nago. Begirale ikastaroak egiten ditut nire herrian.  Asteburuetan egiten dut eta batzutan, beste herritako begiraleekin La Arboledara joaten naiz. Gaztetxozen egiten gaude eta giroa oso polita da. Bertan, joko eta abesti asko ikasten ditugu eta hau oso baliagarria iruditzen zaigu  ikasten gauden gradurako.

Beraz, ikasten dudana asko gustatzen zait eta etorkizuna gure esku dagoela esan dezaket. Ikasleek  heroi bezala ikusten gaituzte eta hori, oso polita da. Hau esanda, argi eta garbi  ikusten da ez dudala mundu honetatik irten nahi.

Bidio hau sortzea oso ideia polita iruditu zait, batez ere, niretzat gordetzeko, etorkizunean ikusi ahal dudalako eta  oroitzapenak burrura etortzea errazteko.  

LA EDUCACIÓN PROHIBIDA

   Txertatu berri dudan dokumental hau pasaden urtean ikusi genuen Irakasle Funtzio arloan. Bidio oso interesgarria da eta batez ere, hausnarketa sakon bat eragiten digu hezkuntzari buruz. Bertan, kultura  ezberdinetako pertsonek hitz egiten dute beraien ikuspuntua ematen eta kuriositate handia pizten du, nire kasuan bai behintzat. Bideoa ikustera animatzen zaituet eta zuen ikuspuntua ezagutzea gustatuko litzaidake, ados egon edo ez. Magisteritza ikasten zaudenentzat, batez ere, oso baliagarria.

AURKEZPENAK

   Gaurko klase teorikoan ikaskideen aurkezpen ezberdinak entzun ditugu. Guztiek, 6 taldeek, IKTeei buruz hitz egin dute eta horretarako baliabide ezberdinak erabili dituzte. Batzuek, betiko metodoa erabili dute, hau da, power pointean eskemak idatziz eta ahosko azalpena emanez. Beste , ordea, ezagutzen ez nuen materiala erabili dute, hala nola, POWTOOM. Honen bidez, power pointean bezala eskemak egin dituzte baina aurreratuago. Bertan animazioa erabili ditu azalpenak emateko, bai eta ahotsa txertatu ere. Azkenik, ezezaguna egin zaidan beste programa bat erabili dute, EMAZE.

Hiru programa ezberdin hauek aurkezpenak egiteko balio dute. Horren ondorioz, betiko metodo tradizionala alde batera utzi dezakegu orain beste gauza batzuk erabili ditzakegula dakigulako. Ziurrenik, beste hainbat programa gehiago egongo dira, baina nik ez ditut ezagutzen.

Ondoren, programa hauek erabiltzeko tutorial batzuk txartatuko dizkizuet zuek ere erabiltzen ikas dezazuen. Espero dut baliagarria izatea!!!!!!


















Saio praktikoan, aipatutako programa berri hauek kuxkuxeatzen egon gara, zelan erabiltzen diren ikasteko.

MAGISTERITZAREN MAGIA

   Saio praktikorako egin behar dudan TEKNOGRAFIA prestatzen hasi naiz eta esan beharra daukat irakaskuntza munduak daukan magiataz ohartzen ari naizela. Lana oso interesgarria da eta Blogean ikusgai izango duzue abenduaren 5etik  aurrera. Bertan, nire irakasle identitatea zein den azalduko dizuet, txiki-txikitatik hasi eta gau egunera arte. Argazkiak, bidioak... erakutsiko dizkizuet, nola betidanik izan dudan lanbide hau gustoko.

  Mundu hau berezia da eta esaten ari naizen guzti hau hobeto ulertzeko, bideo hau ikustea gomendatzen dizuet. Bideo oso hunkigarri eta gogorra da, baina bertan ikusten da irakasle batek izan beharko lukeen arima. Zoritxarrez, ez dago bideoa osorik ikusteko aukerarik Youtuben eta trailerra bakarrik itsatsi ahal izan dut. Aukerarik baduzue edo nonbaiten lortuko ahal bazenute nire gomendioa da ikustea, buruari bueltak ematea eta hausnartzea eragingo dizuelako.

TEORIA SAIOKO TALDE LANA

         Gaurko teoria saioan Mireiak, Mariak, Leirek eta nik aurkezpen bat egin behar izan dugu. Horretarako, bi testu landu behar izan ditugu. Testu hauek, gai orokor baten inguruan oinarritzen dira, hau da, "Informazioaren gizartea vs ezagutzaren gizartea". Aipatutako irakurgaiak hauek izan dira:

1. "La sociedad de la información, las tecnologías y la educación".
2. "Algunas reflexiones sobre las tecnologías digitales y su impacto social y educativo".

   Behin irakurrita, laburpen bat egin behar izan dugu. Horrez gain, testua hobeto ulertzeko eta laburtzeko nota batzuk hartu behar izan ditugu guztion artean. Hartutako datu horiek hauek dira:

LA SOCIEDAD DE LA INFORMACION, LAS TECNOLOGIAS Y LA EDUCACION:

•         Gaur egun teknologia digitalak izugarrizko garrantzia edukitzen ari du gure baitan.

•         Globalizazioak gizarteen arteko hurbilketa gauzatzen duen prosezua da.

•         Teknologia digitala aldaketa handiak izaten ari ditu denbora laburrean.

•         Teknologiaren aurrean formakuntza ezinbestekoa bihurtu da analfabetatze digitalean ez jausteko.

•         Irakaskuntzak teknologia digitalen gizarte honetara moldatzeko beharra dauka.

ALGUNAS REFLEXIONES SOBRE LAS TECNOLOGIAS DIGITALES  Y SU IMPACTO SOCIAL Y EDUCATIVO:

•      Gaur egun, “IKT-ak hezkuntzan” gaiak garrantzi handia hartu duela gizartean hobekuntza ekartzen duelako asko eztabaidatzen dute.
•          Herri garatuek IKT-en erabilea bultzatzen dute (informaziorako eta komunikaziorako bidea erraztuz) merkatu berriak bilatzeko eta mundu mailan zabaltzeko (globalizazioa).
•          Teknologiak sartzea irakasleek eskatzeagatik izan behar da eta ez inposaketa bat. Aldaketa positiboak ikasleen irizpideak bakarrik berma ditzake.
•          IKT-ak hezkuntzan sartu nahi dira gaur egungo gizarteko errealitateari aurre egiteko eta moldatzeko, informazioaren gizartean bizi baikara.
•    Garrantzitsuena ez da nabigatzen jakitea, erabilpen egoki bat  ematen jakitea baizik, hezkuntzari begira.
•          XX.mendean negatibotzat hartzen bazen ere, gaur egin, autore batzuen arabera, teknologiak eraldaketa faktoreak dira, etorkizunera begira.
•          Teknologiak  aurrera egiten badu, gizartea aurrera doa, bi termino hauek lotuta baitoaz. 
•          Teknologia berri bakoitzen sarrera berriak ezinbestean kultura ekologia gizartean aldatzen du.
•          Teknologia berri bakoitzean, gizarteko sektore batzuentzat onurak datoz eta berriz beste sektore batzuei txarto datorkizkie berrikuntzak.
•          Teknologiak, burua erabiltzen egiten gaitu, gure gorputza modu batzutara erabiltzen egiten gaitu eta hainbat zentzumen garatzen egiten digu.
•          Aldaketa teknologikoak dakarren eraginak atzeraezinak izan daitezke batzutan.
•          Aldaketa teknologikoen impakttua gizartean, ekonomian eta kulturan, ez da benetako abantailen emaitza, baizik eta marketin kanpaina handienenak, sistema teknologiko beraren parte baitira.
•         Hezkuntza-berrikuntza ekimen multzo bat da, zeinek preofesionalak bultzatzen dituen gauzak egiteko modu berri batera pentsatzera.

   Datu hauek lagungarriak dira testuak hobeto ulertzeko. Azkenik, hitz batzuk eta galdera batzuk aukeratu ditugu garrantzitsuak direla iruditu zaigulako. Aukeratutako hitz nagusi teta galdera horiek hauek dira:

1. Teknologia digitala
2.   Internet
3.   Globalizazioa
4.    Analfabetatze digitala
5.    Formakuntza               
6.   Teknologia
7.  Abantailak
8.  Berrikuntza
9.  Globalizazioa
10. Errealitatea

• Teknologiaren adaptazio azkarrak zeintzuk arazo ekartzen ditu eskolara?
• Zer da ikasleek IKT-en inguruan ikasi beharko luketeena?
•  Zer da Hezkuntza-berrikuntza? Eman definizio bat.
• Zergaitik herri garatuek bultzatzen dute IKT-en erabilera?